第65章 杜行申曲剧社在高桥古戏台演出沪剧《陆雅臣》（7 / 22）

  （陆唱）好，既然侬推车撞壁不转弯，我就卖卖卖……卖脱侬娘子败家精！
  （珍白）这话是真的？
  （陆白）是真的。
  （珍唱）闻听此言吃一惊，侬个死冤家，侬竟会开口卖女人！卖女人，可有啥七出之条落眼睛，侬要还我赃来还我证。
  （陆唱）侬个错处多来数不清，我逐样逐样来还赃证！第一桩，自从侬到陆家门，害我爹爹姆妈二双亲，九十六岁要犯短寿命，都是侬个害人精。
  （珍白）九十六岁还算短寿命？ （陆白）爹爹姆妈从小算过命，至少要活到一百零八岁咧！
  （珍白）公公婆婆拨侬赌铜钿气死的。
  （陆白）我赌铜钿？对。
  （唱）自从侬到陆家门，赌铜钿只会输来不会赢，百万家产输干净，也是侬个害人精！我问侬，讨侬进来啥个用场？
  （珍白）日里当把锁，夜里当盏火。 ↑返回顶部↑